قرض الخزينة للمهنيين والحرفيين وأصحاب السجل التجاري

شنو هو البرنامج؟ قرض الخزينة (Crédit de Trésorerie amortissable) هو قرض قصير ومتوسط الأمد كيمول الاحتياج ديال الخزينة ديال النشاط: سيولة، مخزون، أداءات. كيتسدد بأقساط (رأس مال + فائدة) على 12 لـ24 شهر. ماشي منحة ولا دعم: هو قرض بنكي وكيتسدد. مقاولة ماشي بنك: كنبداو بتشخيص وضعيتك، وإلا كان الملف مناسب كنقدموه للبنك الشريك.

علاش ولمن يناسب؟ هاد القرض كيحل مشكل السيولة القصيرة الأمد فنشاط خدام: (1) زبناؤك كيخلصو من بعد وخاصك تخلص الموردين دابا. (2) موسم خاصو مخزون كبير قبل البيع (رمضان، العيد، الدخول المدرسي). (3) صفقة كبيرة خاصها مواد أولية قبل ما يخلصك الزبون. (4) مصروف مفاجئ (إصلاح آلة، ضريبة) ولا فرصة شراء بثمن مزيان. ماشي لهادشي: تجهيزات كبيرة ولا مشروع جديد (المدة قصيرة)، تغطية خسائر مزمنة، ولا سداد قرض بقرض آخر، حيت كيزيد الضغط.

• نشاط قائم: مقاول ذاتي، تاجر، حرفي، مهنة حرة ولا شركة صغيرة جدا.
• حساب بنكي (وممكن يطلب منك البنك تفتح حساب مهني بعد الموافقة).
• بلا حوادث أداء، impayés، saisie-arrêt ولا ATD.
• بلا نزاع قضائي ولا معلومات سلبية.
• بلا تصفية ولا redressement judiciaire.

• ما كيتأهلوش: الملفات فيها حوادث أداء، impayés، حجوزات، نزاع قضائي، معلومات سلبية، أو تصفية.

القطاعات المؤهلة: كل الأنشطة المؤهلة عند البنك (تجارة، خدمات، صناعة تقليدية، مهن حرة)

المصاريف المؤهلة للدعم: قرض خزينة: الاحتياج ديال الاستغلال (سيولة، مخزون، أداءات). الاستعمالات كيتأكدو مع البنك وقت دراسة الملف.

قرض من 12 لـ24 شهر: شهر من CA ولا 10% من CA السنوي، مع مهلة حتى 3 أشهر.