نماذج التشخيص: كيفاش كنقراو كل ملف.

الأسئلة اللي كنطرحو على كل ملف.

قبل ما نكتبو حتى سطر، كل ملف كيدوز من نفس الشبكة. هادي هي اللي كتبين واش المشروع قابل للتمويل، وشنو خاصو يتصلح قبل البنك.

1. شكون نتا وشنو كتعرف دير؟التجربة ديالك فالقطاع، والعلاقة بينها وبين المشروع.
2. واش الأوراق متطابقة؟السجل التجاري، IF، ICE، البيلان، العقود: نفس الاسم، نفس الرقم، نفس العنوان.
3. شكون مول الحيط والماكينات؟الملكية الحقيقية ديال المحل، الأرض والتجهيزات، والكراء واش ساري.
4. شحال كتربح فالورقة، وشحال كيدخل فالحساب؟البيلان مقابل الريليفي البنكي. الفرق بيناتهم هو لي كيبين الحقيقة.
5. شكون هما الكليان؟شحال من كليان، واش كاين عقود، وواش كاين واحد ولا جوج كيشدو كلشي.
6. كيفاش داير السوق؟السكان، الأثمنة ديال المنافسين، والطاقة الحقيقية ديال الإنتاج ولا الخدمة.
7. شحال خاص المشروع، وشكون غادي يخلص؟الاستثمار بالديفيات، المساهمة ديالك، والقرض.
8. واش الأرقام كتسد القرض؟الخزينة شهر بشهر، والقدرة على السداد فثلاثة ديال الحالات: عادية، حذرة وصعيبة.
9. شنو هو البرنامج لي كيناسبك؟حسب العمر ديال الشركة، الحجم، القطاع، المدينة، وواش نتا من مغاربة العالم.
10. شنو خاص يتصلح قبل البنك؟لائحة واضحة: شنو ناقص، شكون غادي يجيبو، وفاش كيأثر على الملف.

عشرة ديال النماذج من الملفات ديالنا.

ضغط على كل ملف باش تشوف التشخيص كامل: الوضعية، شنو لقينا، الخطة، والتمويل اللي اخترنا وعلاش.

كيفاش كنختارو التمويل حسب الوضعية.

ماشي البرنامج اللي كيختار المشروع. المشروع هو اللي كيختار البرنامج.

شروط البرامج كتبدل. كنعاودو نتحققو منها من المصدر الرسمي قبل كل ملف. والقرار النهائي ديما عند البنك ولا الجهة اللي كتمول.